Lukas 9

Hyang Yesus Ngutus Makaroras Para Utusan Idane

Ring dina anu, Hyang Yesus ngamanggil makaroras para Idane. Raris Ida ngicen kawibawan lan kawisesan mangda ngulah miwah nyegerin sekancan penyakit. 2 Lan Ida ngutus ipun sami mangda ngortiang indik ring jagate tur mangda nyegerin anak sane sungkan. 3 Irika raris, Hyang Yesus ngandika ring ipun sami sekadi puniki, “Eda ja ngaba apa-apa tatkala luas. Eda ja ngaba tungked muah tas, dadaaran muah pipis, utawi baju pasalin. 4 Yen ada anak ane nerima ragane, ngoyong ja di umah anake ento kanti ragane magedi uli kotane ento. 5 Nanging yening ragane macelep ka salah tunggal kota tur tusing katerima ditu, pesu ja uli kotane ento. Tur ketebang ja buk ane ada di telapak batis ragane apanga ento dadi tanda indik Sang Hyang Pengardi jagi ngukum ipun sami.”

6 Irika raris para utusan Hyang Yesuse luas ring sekancan desa sambilanga ngortiang saha maideh-idehan nyegerin anak sane sungkan.

Raja Herodes Meled Matemu sareng Hyang Yesus

7 Sekancan pakaryan Hyang Yesus punika kapirengin olih raja sane mamrentah ring Galilea. Raja Herodes nenten uning sapa sira sane makarya paindikan sane ngangobin punika. Rajane punika bingung, krana wenten orti yening Hyang Yesus punika dane Yohanes Sang Penglukat sane maurip malih sekadi jati mula. 8 Samaliha wenten sane ngortayang yening dane , Sang Hyang Pengardi saking jaman idumun sampun rauh malih. Kenten pada wenten sane ngortayang yening salah tunggal sinoman sane idumun sampun maurip malih sekadi jati mula.

9 Irika raris raja Herodes mabaos sekadi puniki, “Tiang suba nunden parekan tiange apanga nyepeg baong Yohanese. Sakewala nyenke sujatine Anake ento? Suba liu tiang ningeh unduk Anake ento.” Raris raja Herodes ngutsahayang mangda prasida matemu sareng Hyang Yesus.

Hyang Yesus Ngicen Ajengan ring Anake Akeh

10 Sasampune para utusan Hyang Yesuse mawali, ipun nyeritayang ring Ida saluirin sane sampun laksanayang ipun. Raris Hyang Yesus ngajak ipun sinarengan ka genah sane suung nampek Kota Betsaida. 11 Nanging ritatkala anake akeh uning paindikane punika, raris ipun nugtug Hyang Yesus. Tur Ida nyambut ipun sami saha nyeritayang ring ipun indik jagi gelis mamrentah dados Raja ring jagate. Tur Hyang Yesus nyegerin anak sane sungkan.

12 Ritatkala engseb surya, rauh makaroras diri sisian Hyang Yesuse saha matur, “Guru, tunden ja anake akeh punika mangda ngrereh ajengan lan penginepan ka desa-desa wiadin kampung-kampung sane nampek iriki krana genahe puniki suung.”

13 Nanging Hyang Yesus ngandika, “Tuah ragane makejang ane sapatutne maang anake liu ento dadaaran!”

Para sisian Idane masaur, “Titiang wantah madue roti limang bungkul lan ulam kalih ukud. Nenten wenten malih ajengan iriki yening iraga nenten numbas.” 14 Sawireh irika wenten sawetara limang tali (5.000) diri anak lanang, dereng kapetek anak istri lan alit-alit.

Raris Hyang Yesus ngandika ring para sisian Idane sapuniki, “Tunden ja anake liu ento negak matempek-tempekan, sawetara seket (50) diri atempek.” 15 Para sisian Hyang Yesuse nglaksanayang prentah Idane ring anake akeh punika. 16 Raris Hyang Yesus ngambil makalima roti lan makakalih ulame punika. Raris Ida nulengek ka langite ngaturang penyuksma ring Sang Hyang Pengardi. Sasampune punika, Ida ngompes-ngompes roti lan ulame punika. Raris ngicenin ring para sisian Idane mangda kaedum-edumang ring anake akeh punika. 17 Makasami anake punika ngajeng kantos wareg. Raris para sisian Hyang Yesuse munduhang sisan ajengane sane kaedumang punika kantos polih sisa roras penarak.

I Petrus Ngamaosang Hyang Yesus Puniki Sang Prabu sane Kajanjiang

18 Ring dina anu, risedek Hyang Yesus mabakti praragan, para sisian Idane nampekin Ida. Raris Hyang Yesus mataken sekadi puniki, “Nyenke Tiang, manut anake liu?”

19 Sisian Idane masaur sapuniki, “Wenten sane nyambat Guru puniki dane Yohanes sang ; wenten sane nyambat Guru puniki dane Elia. Lan wenten pada sane nyambat Guru, sinoman Sang Hyang Pengardi idumun sane maurip malih.”

20 Raris Hyang Yesus mataken malih ring sisian Idane sapuniki, “Nanging manut ragane, nyenke sujatine Tiang?”

I Petrus nyaurin sapuniki, “Guru puniki nenten tios Sang Prabu sane Kajanjiang olih Sang Hyang Pengardi.”

21 Raris Hyang Yesus ngandika ring para sisian Idane sapuniki, “Eda sajan ngorahang paundukane ento tekening nyen-nyen.” 22 Hyang Yesus ngandika malih sapuniki, “Tiang, Sang Putraning Manusa, bakal liu nandang sengsara lan tusing katerima tekening para penglingsir Bangsa , tekening para pemimpin , lan tekening agama Yahudine. Tiang, Sang Putraning Manusa, bakal kapademang nanging buin puane Tiang lakar idup buin.”

Cihna Dados Pengiring Hyang Yesus sane Sujati

23 Raris Hyang Yesus ngandika ring anake sane wenten irika sapuniki, “Sira ja sane nugtug Tiang, musti bani ngutang saluirin kameledane praragan. Tur ipun musti nugtug Tiang kantos setata misadya padem sekadi anake sane negen kayu salibnyane. 24 Sawireh anake sane ngutsahayang uripnyane ring jagate jagi kelangan urip salamin-laminnyane ring swarga. Nanging anake sane ngetohin uripnyane krana nugtug Tiang, ipun jagi urip salamin-laminnyane ring . 25 Napike gunane anake madue saluirin isin jagate, nanging uripnyane nenten slamet? 26 Sampunang ja ragane lek ngaku kapining anak lianan indik ragane puniki pracaya kapining Tiang lan pengajahan Tiange. Krana Tiang, Sang Putraning Manusa, jagi lek ngakuin anake punika, tatkala Tiang rauh malih dados akim ring jagate puniki. Rikala sapengrauh Tiange punika, Tiang jagi kaagungang masrana kaagungan sane kasarengin para Idane sane suci. 27 Pengandikan Tiange puniki patut: yening saking ragane sinamian, wenten anak sane nenten jagi padem sadereng ipun nyingakin Sang Hyang Pengardi mamrentah dados Raja ring jagate.”

Kaagungan Hyang Yesuse Kasaksiang ring Gunung

28 Kirang langkung kutus dina sasampun Hyang Yesus ngajahin paindikane punika, Ida raris munggah ka salah tunggal gunung jagi mabakti kasarengin antuk I Petrus, I Yohanes lan I Yakobus. 29 Ritatkala Hyang Yesus mabakti ring gununge punika, jeg maseh prarain Idane lan busanan Idane dados putih masinar. 30-31 Jeg saget kacingak sareng kalih anak masinar ritatkala ngedengang raga. Anake punika nenten tios dane lan dane Elia, sinoman Sang Hyang Pengardi idumun. Dane makakalih mawicara sareng Hyang Yesus indik sedan Idane sane jagi gelis kamargiang irika ring Kota Yerusalem. 32 Irika I Petrus lan kakalih sisiane sane lianan sedek sirep. Ritatkala ipun matangi, ipun nyingakin Hyang Yesus masinar kasarengin olih dane Musa lan dane Elia ngadeg ring sisin Idane. 33 Duk dane Musa lan dane Elia jagi matilar, I Petrus matur ring Hyang Yesus sapuniki, “Guru, seneng pisan iraga iriki. Banggiang ja titiang sami nyujukang rompok: siki kaanggen Guru, siki kaanggen dane Musa, lan malih siki kaanggen dane Elia.” I Petrus ngamaosang sapunika, nanging ipun nenten uning napi sane kabaosang.

34 Risedek I Petrus ngraos, tedun ambu nglingkubin ipun makasami. Ritatkala ipun sami kalingkubin ambune punika, makatiga sisiane pada jejeh. 35 Raris saking ambune punika wenten sabdan Sang Hyang Pengardi sapuniki, “Ene Putran Nirane ane pilih . Padingehang ja Ida!” 36 Sasampune suarane punika mendep, irika ipun nyingakin Hyang Yesus kamanten. Duk punika para sisiane mendep, nenten ja nyeritayang kapining sapa sira indik napi sane saksiang ipun.

Hyang Yesus Nyegerin Anak sane Karangsukin Buta Kala

37 Benjang semengane, tatkala Hyang Yesus sareng makatiga sisian Idane tedun saking gununge, anake akeh mabered ngrauhin Ida. 38 Jeg saget, saking anake akeh punika wenten anak lanang sane majeritan matur sapuniki, “Guru, tulungin ja pianak titiange, krana ipun pianak titiange sane tunggal! 39 Ipun karangsukin . Ritatkala karangsukin, pramangkin ipun kaik-kaik lan awak ipune kejet-kejet kantos bibihnyane ngwetuang lomok. Buta kalane punika setata nyiksa ipun lan nenten ja nyak magedi. 40 Titiang sampun nunas mangda para sisian Gurune ngulah buta kalane punika, nanging nenten mresidayang.”

41 Hyang Yesus ngandika ring anake akeh sapuniki, “Wih ragane makejang ane jaat! Kanti buin pidan tiang musti sabar tekening ragane? Kanti buin pidan tiang musti idup ajak ragane, wih anake ane nu tusing pracaya?” Raris Hyang Yesus ngandika ring bapan anake punika sapuniki, “Bakta ja pianak ragane mriki!”

42 Risedek anak alit punika mamargi nuju Hyang Yesus, buta kalane mantigang anake alit punika lan ngranayang ipun kejet-kejet. Nanging Hyang Yesus mrentahang buta kalane pesu, kantos anake alit punika seger. Raris anake alit punika kaserahang ring bapannyane. 43 Anake sami sane wenten irika pada angob nyaksiang kuasan Sang Hyang Pengardi sane kalintang ageng.

Hyang Yesus Nyambatang Malih Indik Ida Jagi Kapademang

Yadiastun anake sami pada angob nyaksiang saluirin paindikan sane kalaksanayang olih Hyang Yesus, Ida ngandika ring para sisian Idane sapuniki, 44 “Dingehang tur eda ja engsap tekening pengandikan Tiange ene: Tiang, Sang Putraning Manusa, bakal kaserahang sid para penguasa Yahudine.” 45 Nanging para sisian Hyang Yesuse nenten ja ngresep napi sane kanikayang olih Ida, krana artin pengajahan Idane mengkeb saking ipun sami. Yadiastun asapunika, ipun jejeh nakenang artin pengandikan Hyang Yesuse.

Sira sane Agengan?

46 Sasampune kenten, para sisian Hyang Yesuse maiegan indik sapa sira sane paling utama saking ipun sami. 47 Nanging Hyang Yesus uning papineh ipune sami. Punika mawinan Hyang Yesus ngajak anak alit sane wenten irika tur alon-alon ngedeng ipun ka sisin Idane. 48 Raris Ida ngandika ring para sisian Idane sekadi puniki, “Nyen ja krana satinut tekening Tiang, ngajiang anake cerik ene, artine ia ngajiang Tiang; tur nyen ja ngajiang Tiang, artine ia ngajiang Sang Hyang Pengardi sane ngutus Tiang. Krana anak ane kaanggep paling nista uling ragane, ia ane paling utama.”

49 Irika raris dane Yohanes matur sekadi puniki, “Guru, titiang sami nyingakin wenten anak sane ngulah buta kala nganggen kuasa madasar parab Gurune. Ipun tambakin titiang, krana ipun boya ja saking sekan iragane.”

50 Nanging Hyang Yesus masaur sekadi puniki, “Eda ja ragane nambakin ia, krana nyen ja ane tusing matungkasan ajak ragane, sujatine ia maruang ajak ragane.”

Hyang Yesus Katulak olih Anak Samaria

51 Ritatkala sampun nampek galah Hyang Yesus kaangkat ka swarga, Ida sampun nyantep jagi luas ka Yerusalem. 52 Raris Ida ngutus makudang pengiring Idane mangda luas ngamalunin Ida. Para pengiringe punika ngranjing ka desa ring Wawidangan Samaria mangda nyiapang sekancan sane kaperluang buat Hyang Yesus. 53 Krana Ida jagi lunga ka Yerusalem inggih punika kota suci anak Yahudi, punika mawinan para anak Samaria ring desane punika nenten kayun nerima Hyang Yesus. 54 Ritatkala I Yakobus lan I Yohanes uning paindikane punika, irika makakalih sisian Hyang Yesuse punika matur ring Ida sekadi puniki, “Ratu, napike Iratu kayun titiang sareng kalih nunas geni tedun saking langite mangda ngamademang ipun?” 55 Nanging Hyang Yesus nyingak kuri saha keras nuturin ipun. 56 Raris ipun sami luas nuju desa sane lianan.

Indik Pakeweh Ngiring Hyang Yesus

57 Ritatkala Hyang Yesus sareng para sisian Idane sedek nglanturang mamargi, irika raris wenten anak sane matur ring Hyang Yesus sekadi puniki, “Guru, titiang jagi ngiring Guru kija ja Guru lunga.”

58 Raris Hyang Yesus ngandika sekadi puniki, “Cicing alas ngelah gook lan kedis ngelah sebun. Nanging Tiang, Sang Putraning Manusa, nenten madue genah anggen masandekan.”

59 Raris Hyang Yesus ngandika kapining anake sane lianan sekadi puniki, “Mriki ja iringin Tiang!”

Raris anake punika matur sekadi puniki, “Guru, icen ja titiang budal dumun mangda mragatang upacara bapan titiange.”

60 Irika raris Hyang Yesus ngandika sekadi puniki, “Banggiang ja anak padem ngupacara anak padem; nanging ragane, luas ja maideh-idehan buat ngortiang indik Sang Hyang Pengardi jagi gelis mamrentah dados Raja ring jagate.”

61 Raris wenten malih anak sane lianan matur ring Hyang Yesus sekadi puniki, “Titiang jagi ngiring Guru, nanging icen ja titiang budal mangda maorahan ring kaluargan titiange.”

62 Nanging Hyang Yesus ngandika sekadi puniki, “Anake sane sampun ngawitin matekap ring tegale nanging nyingak kuri, ipun nenten pantes ngayahin Sang Hyang Pengardi sane mamrentah dados Raja.”

Penuntun mabligbagan ring pasamuan:

1. Ngaturang penyuksma.

“Ngiring ja iraga ngaturang suksma mangkin. Semeton jagi ngaturang suksma indik napi?”

2. Ceritayang ja pakeweh semetone suang-suang raris iraga saling tunas icayang.

“Napike semeton wenten pakeweh mangkin?”

3. Ngwacen utawi mirengin paplajahane puniki.

4. Saurin ja pitakenne puniki:

“Napi sane plajahin iraga indik Sang Hyang Tunggal ring ceritane puniki?”

“Napi sane plajahin iraga indik manusa saking ceritane puniki?”

“Sekadi napike sapatutne iraga nyalanang idup manut pengajahane puniki?”

“Kapining sirake sapatutne iraga nyeritayang malih ceritane puniki?”